油塘咖啡店員工被拖糧...大爆公司無良用佳之選賺取暴利！
小弟最近做過呢間黑店，因長期拖糧以及見到公司一直呃人，可能你會話咁你咪做咪得囉，係，我走左但個間野都係會一直再理直氣壯拖糧，我想做翻啲野，順手叫各位提防下。恐怖臭史
史上最垃圾公司：spade by lassana
五宗罪！（食過既巴絲rip，未食過唔該唔係玩命）
第一宗罪：用下賤材料欺負消費者
大家都見到一杯咖啡賣成30幾蚊，啪得住starbuck，而當中既咖啡用料震驚全港700萬人！
開估：狗都唔飲既佳之選咖啡粉
成罐應該都唔洗30
不過依排比人投訴 所以轉番用咖啡豆 好 唔講呢樣
點解影唔到比巴絲打睇？因為佢已經將d咖啡粉入哂樽 不過淡奶就走唔甩喇 全Ｌ部都係佳之選
賣到咁Ｌ貴認真無良
第二宗罪：惡劣環境
慎入：大量小強寫真 唔想睇既直接合埋眼拉落去
多不勝數 影都影唔Ｌ哂
去到邊個位小強一直同係度，d食物爬過哂，非常恐怖（當然你可以話飲食業一定有強，你可以當參考下，幾污糟先有咁多）雪櫃 雪糕櫃都有佢地既影子
重有大量蚊滋，如果想食/想入黎做請先考慮可唔可以日日面對佢地
飛果d就影唔到啦 停低左都唔少架
第三宗罪：賣隔左好多日既面包扮新鮮
平時賣既麵包起碼隔左1,2日，夜晚會有20蚊3個包，由工場運黎，保守估計都隔左已經2日，都好意思賣！
遲下重有1蚊麵包，話新鮮岀爐，冇錯，就係將隔夜面包焗翻熱。我地平時同事都唔會拎面包翻屋企，因為太硬
第四宗罪：食物質素完全垃圾，用廉價材料
佢啲high tea永遠凍哂，一早整好哂放成幾個中先賣，重好意思賣成99蚊，辣殺！
第五宗罪 亦係重點！：拖糧
作為一間公司，幾差都好準時岀糧係基本，27截數，理應4號出，7號最遲。ok佢話7號岀，結果過左7號例牌無糧，話要問下會計，我理得你問Auntie，佢就係話冇，但店長已經就代代平安已拎糧，我地細既夠膽拖到廿幾先岀，果個月真係難捱過食屎。之前勞工處上黎查拖糧，佢就威脅啲人講大話話準時岀糧，我當日冇在場，最後好似真係冇事。今個月已經再報勞工處，睇下佢點處理。
而老細既態度，係group問就扮睇唔到，就私底下話因為員工懶散令公司冇錢先冇糧岀，要開我地波，我Hi Auntie串到！
拖糧二世祖老細 問幾時出糧唔Ｌ覆 有錢買新設備冇錢出糧 :-[
開波店長 之前比北海道牧場炒Ｌ左 專恰新人 拖到廿幾號先兇 之前有個忍唔住兇聲同佢講道理 第日比佢炒Ｌ左
請大家唔好再幫襯呢間垃圾無良公司 想入黎做真係要三思 xx(
正皮：告Ｌ到間野執笠!!!!! :-[
負皮：算啦你都唔做 由佢囉 唔好咁多事啦 xx(
登入FB回應：油塘咖啡店員工被拖糧...大爆公司無良用佳之選賺取暴利！
喜歡這些文章嗎?按個讚接收更多吧！
 看更多 |
 |
下一頁  |
重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。