新受害人出現！補習天王呃蝦條事件下集...另有人再爆料！
見到而家Oscar Ma呃蝦條單嘢搞到咁大，我其實都想講，我係受害者之一。我本身係個比較怕事嘅女仔。就算曾經畀佢非禮過，都只係收埋喺心，唔聲唔聲，怕惹麻煩甚至官非。但如今事態嚴重，我決定爆埋出嚟，唔再沉默，一嚟想大家知道，受害者唔只一個，二嚟唔想再有人受害（雖然佢個名臭曬，應該再冇女仔敢埋佢身）。我知講出嚟，實有人質疑我，係咪棒打落水狗，乘機作故仔踩多腳，但我都會照講。
件事就發生喺前年十一月中，當時我喺老銅信諾分校，上佢live班，而嗰班live，係六點上到七點幾，都算夜下。嗰堂佢教點拆題，點啄字眼。咁啱佢教到overrun，落堂嗰陣，我走咗出去，問佢其中一條舊試題點拆。
佢好用心咁開始講：「呢題呢，你留意下佢兩個subject嘅因果關係，再睇緊啲佢有嘅係can定may......」講講下，有個職員開門，走入嚟示咗下意，我喺門隙度隱約睇到，有成大棚人排緊隊，有幾個仲有啲唔耐煩咁。咁我就同馬Sir講：「出邊好似好多人等上下一堂喎，不如我下堂再問你丫。」
馬Sir見狀，佢企起身，帶咗我出房，喺個角落度同我講：「我諗喺呢處，我好難講得曬畀你聽，我就諗不如......欸......你使唔使話返屋企食飯嗰啲呀？咁啱今日禮拜五，我本身得閒，如果你唔介意，不如我哋去附近餐廳，一路食一路解？」
我本身對佢印象好好，當時覺得佢係正人君子，文質彬彬，不虞有詐，而咁啱嗰陣，我父母去咗旅行，我夜啲返屋企都冇所謂，所以我就應承佢。馬Sir帶我落去，過咗幾個路口，去咗伊利莎伯大廈個停車場，笑住話：「我記得灣仔船街，有咋越式泰式餐廳，口碑幾好，你有冇興趣我車你去試下？「我話：「好，我好耐都冇食過越南嘢，試下都好。」跟住，佢車咗我去船街，我哋隨便入咗間價錢相宜嘅越南餐廳。
我哋食咗三粒鐘度，馬Sir邊食邊解我問嗰條，講講下我都holiday mood，因為第日係禮拜六。佢見我有啲悶咁，跟住轉咗話題，我哋變咗傾閒偈。佢問我校內成績點，又問我有冇兄弟姊妹，問我屋企平時點。我當時未覺有啲咩，所以都係如實相告。
食完，嗰陣大概十一點，馬Sir喺馬路邊，雙手叉腰咁問我：「好......喇。而家都十一點鯪，夜媽媽你一個女仔返屋企，唔係好安全，不如我車埋你返去丫？」我雖然好欣賞佢，但本身唔係話同佢好熟，唔係好想佢知我住邊，所以我話：「唔使啦，我自己去左近車站，搭巴士返去就得喇，費事勞煩你。」
馬Sir聽完之後，原本普通通嘅神情，好似有啲微妙變化。佢眼神好似殷切咗，隱約想流露莫名嘅親暱。佢慢慢烏低身，側咗少少個頭，似要貼近我左面，我嗰陣準備轉身走，都唔係好嚟得切意識咩事，佢就冷不防咁，伸咗兩隻鹹豬手熊抱我。我嗰下堅係窒咗， 突然遇咁嘅情景，似係啟動咗我sympathetic nervous system嘅」fight or flight response」，腎上腺素急升。我聽到自己心跳聲，開始唔係好透到氣，感覺塊面好似有道「辣辣地」嘅氣流過。英文講好似叫hot flush？
條友熊抱我嗰陣，左手由我背脊打平咁掃，差啲掃到去我個胸，右手猶是，差啲掃到落我屁股，同時越哄越埋，我隱約聞到佢面油陣難以名狀嘅汗味。佢嘅氣息，似要入侵我軀體。我當時思緒凌亂，個腦白白地，唔知諗緊乜，好似潛意識知道佢係想鹹濕我，但又唔相信佢係咁嘅人，兩種矛盾心理互相衝突。
馬Sir一路熊抱我，一路語調怪異咁講：「唔怕啦，我車你返去，咁你咪可以慳返啲車錢囉，又唔使行多餘路......」佢狂摸咗我兩秒，我先由混沌驚魂中，回過神嚟，微微挺起左手，頂咗佢右手一下，我難為情咁講：「真係……唔使喇。你有心……」我慢慢退後，嘴唇震咗幾下，然後轉身加快腳步咁走，盡快遠離咗呢個地方，大概入咗軒尼詩道方向。頭先發生嘅事，我都唔想再諗，只係想走得幾快得幾快……
我返到屋企，慢慢屏息靜氣，諗返起頭先嘅事，知道根本係非禮，亦慶幸自己閃得快，冇再跟佢上車，否則我可能車咗去時鐘酒店，跟住發生咩都冇人知。我嗰陣就算安全，都仲好驚，好無助，喊咗一兩個鐘……我都唔想去諗，自己有冇畀人沾污。之後，我由Live班轉咗去Video，避咗再見到佢。
可能你哋話，佢咁嘅人你仲補佢？係，當時佢咁樣對我，的確係好下流，但佢教嘅嘢，我始終唔可以話完全冇用，所以我選擇繼續補多咗佢一段時間。
過幾日，我都冇再特登去諗，即係我頭一段都有講，我比較怕事，所以唔想走去話畀邊個知，或者去報警。補習天王咁有錢，有成間補習公司做後台，一請啲乜嘢御用大狀，死嘅分分鐘係我，唔係佢。我冇錢冇名分，冇得同佢鬥。
而且，我都知道，亦識得好多人，係好鍾意馬Sir，覺得佢教得好好，主觀唔會知佢係個咁嘅人，所以如果我爆大鑊，除咗上述嘅法律風險，我亦只會畀人圍剿，根本冇咩著數。
但係難得幾日前，有個畀佢呃埋上床嘅女仔，膽敢出嚟踢爆佢，有曬證據，搞到通曬天，搞到佢辭埋職，個勢起咗出嚟，所以我決定捨棄忌憚，講我畀佢鹹濕嘅經歷畀大家知，希望大家信我。
我都奉勸，如果有其他女仔曾經係受害者，你哋唔好驚，勇敢啲出嚟踢爆佢，就算唔想開咗自己任何名，都可以經我地講出嚟。你哋敢講，實大把人撐你，唔需要理啲咩死唔死撐嘅所謂盲毛。
如果你是受害人之一，請盡快與我們聯絡，你的資料會絕對保密。
相關:
少女哭訴：補習天王「呃蝦條」多次約上床！大膽對話流出
「我和補習老師上床了！」少女千字哭訴被騙上床經過 (前傳)
可透過以下facebook聯絡:
facebook專頁: 按此進入!
登入FB回應：新受害人出現！補習天王呃蝦條事件下集...另有人再爆料！
喜歡這些文章嗎?按個讚接收更多吧！
 看更多 |
 |
下一頁  |
重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。