狗公騷擾：康文署救生員追女實錄！有「威水史」上過新聞
話說近日某個Facebook 群組有位女小編投訴，稱自己受到一個任職救生員的男士不停以Facebook inbox、WhatsApp甚至電話多次滋擾，期間呢位男士不斷炫耀自己當救生員的「威水史」，所以決定要將呢位「追求者」的行為於群組公開！
個男仔連續打咗幾次電話俾女小編，而女小編亦好貼心地將個男仔改名為「Dog」，咁小編就姑且稱佢為Dog啦！
阿Dog話自己16歲已經做救生員，之後20歲時就獲頒救生星章 (由香港拯溺總會每年頒發，以表揚曾經協助拯救溺者的專職救生員、義務救生員或公眾人士的英勇表現) 仲將自己張獎狀公開。問人哋自己勁唔勁，真係唔讚你叻叻豬都唔得啦！
隔咗一陣，阿Dog就share一張新聞照片，話自己之前上過新聞，有份在石澳潛水搜索一名遇溺男子。不過好可惜，該位遇溺者最後不幸喪生。個話題去到無邊際？
夜晚，阿Dog又出現，仲話自己頭先救完人。但呢個moment忽然好謙虛，話「救人發自內心 唔使要人讚」。咦咁佢之前係咁問人自己叻唔叻、係咁share自己啲「威水史」係有咩目的呢……
之後講吓講吓，阿Dog就話好想去女小編屋企，又話要打電話俾對方。因為呢個群組的成員都係商用模型車愛好者，所以阿Dog其實係想去人哋屋企睇模型車，不過有冇其他企圖就唔知啦……
女小編之後表示家人要返工，放假時得自己一個在家，阿Dog知道無得上人哋屋企時似乎好唔開心咁。孤男寡女共處一室，這些機會不是屬於你的……
呢個就係被公開追女過程的英勇救生員。
近距離睇多次個救生星章先！真係好型呀！
原來Dog哥唔止騷擾女小編，之前佢在群組出售二手模型，開價錢$600。點知就被另一位小編 cap圖聲討，話佢個模型有地方爛咗，貼紙又甩甩哋，賣呢個價錢如同騙徒！於是阿Dog就私下向女小編道歉，希望佢可以delete咗個post…… 唉早知今日，何必當初。
登入FB回應：狗公騷擾：康文署救生員追女實錄！有「威水史」上過新聞
喜歡這些文章嗎?按個讚接收更多吧！
 看更多 |
 |
下一頁  |
重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。