震驚十三億人！唔搶唔知道的超平機票五大陰暗面
友人：「喂！呀明！又有廉價機票去東京/廣島/台北/台中/台南/首爾呀！有無興趣搶返套呀！」
你：「正喎！幾點呀？預埋我！」
講到呢個話題，又要唱首歌：「廉航你真狡猾，老是常出現~」相信呢幾個月各位旅人都搶平機票搶到手軟，先係有吉港歐、台港歐，之後有快運瘋狂平價機票潮，搶到平機票既慳錢又有滿足感，但原來，搶平價機票都有潛藏壞處㗎！
1. 缺乏Planning 樂極生悲
年中咁多平機票，又1蚊又8蚊又22蚊，分分鐘仲平過淘寶運費！於是一見到平機票好多人都會搶左先，可惜大家都係香港人，香港人忙碌係全世界出哂名，有時唔記得左上機果日有緊要嘢做，加上「計劃永遠追不上變化」呢條定律，入到口嘅肥豬肉都要嘔出黎，欲哭無淚！
自己去唔到，唯有睇下有無有緣人了....
2. 搶到就係好，搶唔到就……
平價機票個個都想要，可惜做promotion嘅航空公司就得一間，航班又得幾班。Demand and supply咁唔均等，就此造成減價潮前後網絡上一片腥風血雨，當搶唔到機票的你見到facebook page上的大喜訊息…… 唔多講了，詳情請自行參閱《狐狸與葡萄》故事。
3. 熬夜搶飛身體差
根據非正式統計，平價機票開始搶飛日期通常都係凌晨12點。而夜訓會帶來精神不振、免疫力會下降、感冒、胃腸感染、過敏原……（下省數千字）後果。唔講咁多，小編送上張解釋一切嘅「長輩圖」比大家！
4. 廉航機票潛藏條款
叫得做廉航，超低價機票費用以外的收費項目先係航空公司搵錢位。早前有報導指出，消委會在今年3月就調查了10間香港有航線嘅廉航公司，發現在行李、航班上附加服務和票務等收費上存有差異。
新鮮滾熱辣，消委會在今個月發佈嘅另一份有關「航空公司離境稅處理手法」報告又顯示，有廉航會就退離境稅向乘客收取手續費。 (想知邊間廉航會收手續費，請參看TravelPop「退離境稅要收手續費？」專題報導)
唔想額外再比錢，各位買之前要好好睇清楚呢d「魔鬼細節」呀~
5. 旅行成癮
廉航機票價格沒有最低，只有更低。日忙夜忙，當學生哥做多幾個鐘part time就可以去轉台灣，打工仔食少幾餐放題就可以去轉東京，真係無理由唔去旅行。日常工作留得住個人，留唔住個心，魂魄一早飛左去外國度假，返黎現實見到咁多瑣碎事要處理，心中不期然要感嘆一聲： 「 幾 時 有 得 去 旅 行 呀 唉 ......」
以上內容，純屬惡搞。不過1蚊機票又真係好吸引，有食唔食，罪大惡極呀！矯情一下：「世界是本書，不從旅行獲得充足，而是為了心靈獲得休息。」人生就係要不停旅行！小編在此祝願各位旅人，搶飛次次搶到，旅行健健康康的去~
轉自: www.travelpop.hk
登入FB回應：震驚十三億人！唔搶唔知道的超平機票五大陰暗面
喜歡這些文章嗎?按個讚接收更多吧！
 看更多 |
 |
下一頁  |
重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。